Hao Blong Reportem wan Skam

Stop blo sendem mani

Sapos yu suspek se hem i wan skam:

• Stop evri transfer o payment kwiktaem
  
  

• No sanem eni moa mani blong “kavremap” o kasem bakegen mani we yu bin lusem
  
  

• No givim eni personal infomesen olsem password, account number, WhatsApp o phone number, FB kod, o ID detail.

Ripotem Skam long Facebook

Plante skam long Vanuatu oli stap kamaot tru long Facebook post, ad, pej, o praevet mesij.

Blong ripotem long Facebook:

• Klik long tri dot (⋯) long post, ad, mesej, o profile
  
  

• Jusum “Find support or report”
  
  

• Jusum Scam or fraud
  
  

• Sendem ripot
  
  

Ripot ia i helpem Facebook blong tekemaot skam kontent mo stopem hem blong i spread moa.

Ripotem long Vanuatu Police – Fraud Unit

Ol skam we oli involvem mani transfer, bank account, o yus blong fake identity, mas go ripot tu long Fraud Unit blong Vanuatu Police.

Taem yu ripot, traem givim:

• Nem o fake nem we skamer i yusum
  
  

• Screenshot blong mesij, post, o ad
  
  

• Bank o payment detel we oli givim long yu
  
  

• Det, amount blong mani, mo platform we oli yusum
  
  

Nomata mani i no kambak, ripot i helpem ol ofisa blong luksave pattern mo stopem narafala skam long fiuja.

Ripotem long Bank o Payment Provider Blong Yu

Sapos yu bin sendem mani:

• Kontaktem bank blong yu kwiktaem
  
  

• Askem sapos oli save stopem o flagem transaction
  
  

• Givim olgeta detel mo reference namba
  
  

Taem i impoten tumas. Sapos yu act kwiktaem, yu gat moa janis blong stopem bigfala lus.

Kasem Sapot long Komuniti

Cyber Watch Committee (Inc.) i save help tru long:

• Eksplenem ol kaen skam we oli stap kamap plante taem
  
  

• Givim advaes long hao blong ripotem skam
  
  

• Helpem yu blong warnem narafala man long sef wei
  
  

Yumi no ranim invastigesin o tekem ples blong police, be yumi sapotem edukesen, aweness, mo prevenesen.

Impoten Tingting

Yu no shame sipos yu foldaon lo skam.
Ol skamer oli gat skil mo oli save yusum trust, hariap, mo filing blong ol man.

Taem yu ripotem skam, yu stap:

• Protektem famle mo komuniti
  
  

• Stopem skam blong i spread
  
  

• Bildim wan moa sef digital envairomen long Vanuatu